Frímúrarakórinn

Megintilgangur frímúrarakórsins er að efla bróðurhug allra frímúrarabræðra og syngja á fundum og skemmtunum innan Frímúrarareglunnar.

Allir frímúrarar hafa rétt til þátttöku í kórnum að höfðu samráði við söngstjóra.

Frímúrarakórnum er ætlað eftir því sem við verður komið, að heimsækja Regludeildir jafnt á landsbyggðinni sem á höfuðborgarsvæðinu. Lögð er megináhersla á tónlist sem tengist Reglunni til flutnings á stúkufundum en einnig létt lög til flutnings á skemmtunum innan Reglunnar.

Óskum um söng frímúrarakórsins á fundum eða öðrum samkomum má koma á framfæri við formann kórsins, en vinsamleg tilmæli eru að það sé gert með góðum fyrirvara. Frímúrarakórinn leitast við að uppfylla allar óskir um söng innan Reglunnar.

Bræður sem áhuga hafa á því að taka þátt í störfum kórsins, hafi samband við formann kórsins.

Frímúrarakórinn var stofnaður 30. janúar 1993.

Kórinn hélt sína fyrstu opinberu tónleika í Regluheimilinu í Kaupmannahöfn í apríl 1997 og endurtók þá skömmu síðar í Regluheimilinu í Reykjavík. Hefð er að skapast fyrir því að kórinn haldi tónleika á hverju vori í Reykjavík og aðra utan Reykjavíkur.

Nánari upplýsingar veitir formaður kórsins:

Halldór S. Magnússon

hs. 565-7647, vs. 560-8580, farsími 897-3720

netfang: halldor.magnusson@isbank.is

Til baka